Din els Gea u din els Na: Il credit è decidì ed il dretg d’urgenza piglia la pussanza al parlament da midar la decisiun – pia vi dal fatg che la banca UBS survegn las garanzias dal stadi na mida er il Na dad oz nagut.
Però tant pli impurtant esi, ch’il parlament è sa radunà per la debatta politica – la simbolica e la pussaviladad da dar in palc a la ravgia è necessaria per dar en la direcziun en la quala ch’ins vul ir.
Cun quai che mecanissems da controlla e leschas che avessan stuì evitar ch’ina banca sto insumma vegnir salvada, han cleramain desditg.
E tgi auter ch’il parlament avess dad avair l’interess che dretg d’urgenza na sto betg vegnir duvrà: perquai ch'igl è precis quel che vegn mess ord funcziun sch’il Cussegl federal decida da trair quel register.
Tant pli svelt ston las duas chombras ussa prender enta maun per ina la lescha da «too big to fail» e per l’autra la definiziun dal dretg d’urgenza.
Però entant na resta betg enavos bler dapli che canera – probabel er sco reacziun da testardezza ch’ils mauns èn liads al parlament. Ma er pervi da frust – oravant tut tar las partidas d’opposiziun – che lur avertiments dal passà n’han betg chattà in’ureglia.
Fabia Caduff
Correspundenta Chasa federala
