La PCD sto tschertgar ina nova scheffa u in nov schef per la fracziun en la Chasa federala. Quai suenter ch’il cusseglier dals chantuns tessinais Filippo Lombardi n’è betg vegnì reelegì ier.
La PCD Svizra vegnia a decider ils proxims dis co vinavant, ha ditg in pledader da medias a l’agentura da novitads Keystone-SDA. I saja pussaivel ch’il cusseglier naziunal da Lucerna e vice-schef da la fracziun, Leo Müller surpiglia il timun ad interim.
Filippo Lombardi è stà 20 onns en il Cussegl dals chantuns. Marina Carobbio (PS) ha gudagnà il cumbat per il sez per 45 vuschs. Ella è l'emprima dunna en il Cussegl dals chantuns per il chantun Tessin.
RR novitads 15:00