Sergio Ermotti cumenza ina nova carriera. A la proxima radunanza generala da Swiss Re vegn el proponì sco commember dal cussegl d'administraziun. A partir dal 2021 duai el lura surpigliar il post sco president da Walter Kielholz. Ermotti ha fatg enconuschent avant radund duas emnas ch'el vegnia a bandunar la UBS per la fin october 2020.
En differentas medias era vegnì speculà ch'el pudess be far ina perioda da pausa avant che surpigliar il post dal president da l'UBS Axel Weber. Ma uss è cler ch'el vegn a surpigliar il post Walter Kielholz tar Swiss Re. En la communicaziun a las medias sa legra Kielholz sin la collavuraziun cun Ermotti e da pudair ir en pensiun proxim onn.
Kielholz è stà dapi il 2009 president dal cussegl d'administraziun da Swiss Re e dapi il 1998 commember da l'autoritad da surveglianza.
Ord l'archiv:
RTR novitads 08:00
