En Svizra cumpran puspè pli paucas persunas rauba online. Il commerzi online saja sa sminuì en quasi tut ils secturs durant l'emprim quartal. Quai communitgescha l'organisaziun da las interpresas da commerzi, la Swiss Retail Federation. La pli gronda reducziun, radund in terz, hajan ins constatà tar la moda. Ils consuments e las consumentas veglian pia empruvar la vestgiadira avant che cumprar. Tar la cumparegliaziun cun l'onn passà èsi dentant da resguardar che bleras stizuns eran serradas pervia da la pandemia.
Ins vesa che las intervenziuns dal stadi durant la pandemia han gì ina gronda influenza sin il commerzi online.
En pli eran inqual secturs economics pervia da restricziuns da corona stà serrads cumplet. Perquai hajan bleras consumentas e consuments investì anc pli bler raps en il commerzi online.
Excepziun: Cumprar mangiativas
Sco sulet sectur ha il commerzi cun mangiativas fatg l'emprim quartal in plus. Quai saja in segn per in' emprima midada dal consum tar Svizras e Svizrers a media vista. Tras la pandemia saja la glieud sa disada d'empustar online mangiativas grevas e conservablas.
