Siglir tar il cuntegn

Header

ina dunna avant pliras plunas da palpiri
Legenda: Ils uffizis chantunals èn vegnids inundads cun dumondas per lavur curta. Keystone
cuntegn

Sustegn finanzial 11 milliardas francs per lavur curta

Bleras interpresas svizras han introducì lavur reducida ils ultims mais. Tenor cifras actualas dal Secretariat da stadi per l’economia SECO han las cassas da dischoccupaziun pajà totalmain 11 milliardas francs ad interpresas l’emprim onn da la pandemia. Da quai sajan mintgamai 20% ids a la gastronomia ed a l’industria elavuranta.

Ustarias, cafés e bars han survegnì per lur persunal passa duas milliardas francs. Medemamain sur duas milliardas han survegnì manaschis da l'industria elavuranta sco bierarias, stamparias u manaschis da producziun.

Pli pauc pertutgadas sajan stadas l’agricultura, l’administraziun publica ed il sectur da finanzas, uschia il SECO vinavant.

800 milliuns aifer in mais

Lavur curta duai gidar che las interpresas na ston betg relaschar persunal sche la fatschenta marscha meglier suenter las reglas da corona schluccadas. La pli gronda dumonda hai dà durant l'emprima unda. L'avrigl 2020 eran passa 1,3 milliuns umans en Svizra en lavur reducida. Tantas sco anc mai en in mais. Suenter schluccadas termporaras èn las dumondas per lavur curta puspè s'augmentadas l'atun. En l'industria aviatica era quasi l'entir persunal pertutgà. Sulet il mais favrer han las cassas pajà bunamain 800 milliuns francs a las firmas svizras. Uss dovra l'Assicuranza da dischoccupaziun sezza agid. La Confederaziun sustegna l'assicuranza cun pliras milliardas francs.

RTR novitads 08:00

Artitgels legids il pli savens

Scrollar a sanestra Scrollar a dretga