Siglir tar il cuntegn

Header

cuntegn

Svizra Sustegn per Donzallaz

Il derschader federal Thomas Stadelmann (PCD) sco er l'anteriur president dal tribunal federal Giusep Nay defendan Donzallaz encunter la critica che vegn da la Partida populara svizra. Donzallaz stat dapi l'emna passada en la critica tar sia partida, la Partida populara Svizra.

L'emna passada ha il Tribunal federal decis che la banca gronda UBS stoppia surdar datas da clients a la Frantscha. La decisiun è crudada cun 3 cunter duas vuschs e la vusch da Donzallaz è stada la vusch decisiva. Donzallaz ha sustegnì da dar ora las datas, era sche blers parlamentaris eran encunter.

derschader federal Yves Donzallaz.
Legenda: Sia vusch è stada l'emna passada decisiva: Il derschader federal Yves Donzallaz. Il sustegn da sia partida n'ha el betg. Keystone

La PPS crititgescha Yves Donzallaz dad avair agì cunter l'interess da la partida. Il schef da fracziun da la PPS, Thomas Aeschi ha er ditg, ch'ins stoppia ponderar sche la PPS veglia reeleger derschaders federals da l'atgna partida sche quels na represchentian tuttavia betg las ideas da la partida.

Derschader sto decider independent

Per Giusep Nay e Thomas Stadelmann èsi però cler: in derschader sto agir independent dals interess da la partida per pudair garantir la separaziun da las pussanzas e l'independenza dals derschaders. Partidas n’hajan nagin dretg che derschaders decidan tenor lur avis, ha ditg Nay en l’emissiun «rendez-vous» da Radio SRF.

RR novitads 15:00

Dapli da Svizraavrir la Landingpage

Nach links scrollen Nach rechts scrollen