Siglir tar il cuntegn

Svilup pretschs d'immobiglias En citads pli char, en la champagna pli bunmartgà

En Svizra èn ils pretschs per proprietad d'abitar s'augmentads durant il terz quartal. Ils Svizzers e las Svizras han stuì pajar 1,3% dapli per chasas d'ina famiglia ed abitaziuns da proprietad, cumpareglià cun il medem quartal da l'onn avant. Quai mussan las cifras da l'Uffizi federal da statistica. Ellas sa basan sin las datas dals 26 pli gronds instituts d'ipotecas da la Svizra.

En il Grischun èn ils pretschs sa reducids levet, sco ina grafica da l'Uffizi federal da statistica mussa. Vischnancas en la champagna han in pretsch per 0.9% pli pitschen ch'en l'entira Svizra. Glion, Flem, Scuol, Puntraschigna, Samedan e Cazas tutgan tar las excepziuns, là è il pretsch creschì levet per 0.2%. A Cuira sco «citad d'ina agglomeraziun mesauna» èn ils pretschs creschids per 0,5%.

RTR novitads 12:00

Artitgels legids il pli savens