Antibiotics èn uschè stgars, e la producziun memia plauna, che la Confederaziun ha reagì. Reservas d'antibiotics da la Confederaziun èn libras per cas ch'i vegn tar ina mancanza. L'Uffizi federal per il provediment economic ha midà l'ordinaziun per dar liber la reserva obligatorica d'antibiotics sin ils emprim da mars.
Betg mo antibiotics èn stgars
Quai saja necessari pervi da la pandemia da corona e l'unda d'infecziuns actuala cun virus da grippa e RSV. Sch'i va vinavant uschia, ed i vegn duvrà uschè bler antibiotica er en l'exteriur, vegnia a dar ina largia en il provediment d'antibiotics.
Dapi entschatta favrer giuditgescha l'Uffizi federal per il provediment economic ch'il provediment cun medicaments e periclità en general. Ina taskforce da la Confederaziun duai tschertgar mesiras a curta vista cunter quai.
Per 25 antibiotics datti en il mument ina annunzia ch'il provediment e disturbà. In ulteriura raschun ch'il provediment na funcziuna betg en l'Europa è ch'i dat in producent che furnescha ils antibiotics per tragutter per l'entira Europa. Quel ha problems da capacitad, e limitescha actualmain las quantitads ch'el furnescha als pajais europeics, di l'Uffizi per il provediment economic.
