A las apotecas mancan tschients tips da medicaments, cunzunt ils medicaments per tractar uffants. E quai durant in'unda da grippa. Uss reagescha la Confederaziun sin las stretgas da furniziun.
Per exempel dastgian las apotecas producir sezzas meds cunter las dolurs, sco per exempel Algifor e las cassas da malsauns stoppian surpigliar ils custs.
Apotecras ed apotechers sajan levgiads che la Confederaziun ha preschentà ina schliaziun sin la quala els spetgian gia dapi pli ditg, ha ditg Enea Martinelli, il vicepresident da la Societad svizra dals apotechers Pharmasuisse. Per el saja quai «in regal da Nadal retardà per ils uffants».
