Aifer tschintg onns è il dumber da cunfinaris che lavuran en Svizra creschì per in tschintgavel, sin 391'000 cunfinaris. Quai mussan las cifras da l'Uffizi federal da statistica per il terz quartal da quest onn.
Passa la mesadad da tut las cunfinarias ed ils cunfinaris abiteschan en Frantscha. Bunamain in quart derivan da l’Italia e radund in sisavel da la Germania.
Situaziun en Grischun
Anc pli ferm è il dumber da cunfinaris s'augmentà en il Grischun aifer quels tschintg onns. La fin da settember 2018 dumbrava il Grischun 6'700 cunfinaris – tschintg onns pli tard bunamain 10'000. Quai è in augment da 48%.