Ils plans dal parlament d'engrondir las autostradas fruntan sin resistenza. L'Associaziun traffic ed ambient VCS e las organisaziuns da l'ambient avevan annunzià il referendum – uss saja quel reussì. Sco che la chanzlia federala communitgescha, sajan 65'000 suttascripziuns vegnidas inoltradas.
Il parlament aveva decidì il settember da bajegiar or autostradas en Svizra per 5,3 milliardas francs. Cun quels duai dar otg vials tranter Bern-Wankdorf e Schönbühl, e sis tranter Le Vengeron GE e Nyon VD. Vitiers vegn in terz tunnel da Rosenberg ed in segund tunnel a Schaffusa per il Fäsenstaubtunnel.
Las expensas duain tenor l'allianza da l'iniziativa vegnir investidas en il traffic public, perquai ch'il schlargiament destrueschia terren agricul ed augmentia las emissiuns da gas da serra.