Legenda:
Demonstrants durant in marsch cunter il WEF e cunter la participaziun dal president american Donald Trump.
Reuters
cuntegn
Svizra - Demonstraziuns betg lubidas cunter WEF
La scena autonoma sanestra ha clamà ad ina demonstraziun a Berna cunter il WEF. La demonstraziun na saja betg stada lubida, però saja la situaziun stada paschaivla, rapporta l'agentura da novitads svizra.
La polizia è alarmada ed è presenta en la citad veglia da Berna. Ultra da quai quinta la polizia cun impediments, en spezial dal traffic public. Tenor stimas èn tranter plirs tschients da persunas e fin 1'000 persunas idas sin via.
WEF 2018
Avrir la boxSerrar la box
Il WEF 2018 ha lieu dals 22 fin ils 26 da schaner. Da la partida vegnan ad esser radund 3000 represchentants da la politica, economia e scienza. Era il president franzos Emanuel Macron ha annunzià da vegnir a Tavau.
La demonstraziun è stada paschaivla, uschia l'agentura da novitads svizra. Clamà a la demonstraziun cunter il WEF aveva l'uschenumnada «Revolutionäre Jugendgruppe Bern». Ella fa part la scena autonoma sanestra.
Ils ultims onns èn questas demonstraziuns stadas detg paschaivlas. Quest onn pudess i dar ulteriurs protests pli vehements, suenter ch'il president american Donald Trump ha annunzià da participar al Forum mundial d'economia a Tavau.
