Siglir tar il cuntegn

Header

cuntegn

Svizra Epidemologs sceptics envers 2G

Ils epidemiologs èn sceptics sch’i purtass insatge d’introducir er en Svizra l’uschenumnada «regla da 2G» empe da 3G, pia be persunas guaridas u vaccinadas. Cun questa regla dettia bain ina gronda segirezza, cunquai ch’il ristg da s’infectar cun il coronavirus saja pli pitschen. Dentant saja la «regla da 3G» – che vala actualmain en Svizra – meglra per la societad, perquai ch’ella saja pli praticabla. Quai ha ditg Marcel Tanner envers la «Schweiz am Wochenende».

Tenor Marcel Salathé èn ils elements centrals en il cumbat cunter la pandemia dapli emprimas vaccinaziuns e sveltas vaccinaziuns da rinfrestgament – e betg la discussiun davart 2G. Richard Neher da l’universitad da Basilea percunter beneventass in tal rinforzament da las mesiras da corona.

audio
Per tedlar curt e cumpact
ord Novitads dals 13.11.2021.
laschar ir. Durada: 1 minuta 3 Secundas.

RTR novitads 09:00

Artitgels legids il pli savens