Svizra fa vacanzas - Budget total da 16 milliardas francs

Las Svizras ed ils Svizzers han dà ora l'onn passà 16 milliardas francs per far vacanzas a l'exteriur, quai èn media var 2'000 francs per persuna. Quai èn 48% dapli ch'anc l'onn avant, sco che las novas cifras da l'Uffizi federal da statistica mussan. Cumpareglià cun il 2021, pia l'onn da corona, èn las expensas da las Svizras e dals Svizzers a l'exteriur cunquai creschidas per passa 60%. Per quest onn quinta l'institut per la perscrutaziun da conjunctura da l'ETH da Turitg schizunt cun in nov record.