En in rapport crititgescha la controlla da finanzas tranter auter che las indemnisaziuns per lavur supplementara u er servetschs da notg e da dumengia na sajan betg regladas cleramain. Ina basa legala na saja betg avant maun.
Era la collavuraziun cun la fatschenta da segirezza Securitrans stoppian els meglierar. Tar controllas da a staziuns hajan els fatg tschertas lavurs dublas. Tgi che saja responsabel per tge lavurs na saja betg reglà cleramain.
Irregularitads tar il diever da subvenziuns na sajan dentant betg da constatar. Davart quai avevan rapportà pliras gasettas – la controlla da finanzas aveva sinaquai instradà ina inquisiziun.
Viafiers federalas sa defendan
Las Viafiers federalas svizras beneventan en ina communicaziun, che la controlla da finanzas han controllà ils cas pervi da las subvenziuns. Vinavant fan els attent sin la bilantscha da la polizia da transport. Quella mussia il success da la polizia
RR novitads 12:00
