Ina retschertga naziunala ha mussà: 6% dals pazientas e da las pazientas s'infectescha en l'ospital en Svizra. Quai rapporta l'Uffizi federal da sanadad BAG.
Il pli savens datti:
- Infecziuns da plajas suenter operaziuns (29% da las infecziuns)
- Infecziuns da vias urinarias e vias respiratoricas (omadus radund 15%)
- Infecziuns da la circulaziun dal sang (8%)
Quels resultats correspundan a quels da l'onn 2017, cura ch'il BAG ha fatg la davosa retschertga. La quota d'infecziuns n'è dapi là betg sa midada. Er la quota da prescripziun d'antibiotics è medem auta (circa mintga terz cas).
En cumparaziun internaziunala èn 6% infecziuns ina quota ordinaria. Sbassar la quota possia ins per exempel cun dapli scolaziun e prevenziun. Tranter gronds e pitschens ospitals n'haja betg dà differenzas grondas, tge che pertutga la quota d'infecziuns.