Ina iniziativa ch'è vegnida lantschada pretenda che la Svizra accelereschia ses curs da promover energias regenerablas. I va per limitar las pussaivladads da recurs e scursanir il temp per lubientschas. Uss vegnan las vuschs rimnadas.
Independenza da l'exteriur è la finamira
Uschè svelt che la Svizra importescha dapli ch'ina tscherta cumpart energia da l'exteriur, duain cundiziuns pli favuraivlas valair per bajegiar ovras electricas. Pertutgads èn cunzunt ovras idraulicas. Uschia è per exempel la Swiss Small Hydro part dal comité da l'iniziativa. Quai è il sindicat d'ovras idraulicas pitschnas.
Tenor Martin Bölli, president da Small Swiss Hydro, na stoppian ins betg avair tema che tut ils flums vegnan nizzegiads. Ed er in'autra commembra dal comité, Viviane Kessler, di che quai na muntia betg ina «carte blanche» per tuts projects d'energia.
18 mais temp ha il comité da rimnar las 100'000 suttascripziuns necessarias per purtar l'iniziativa avant il pievel.
