Davent dals 3 da mars datti la nova carta d'identitad per Svizras e Svizzers. Quella ha ina nova parita, e las pli novas caracteristicas da segirezza, communitgescha il Fedpol, l'Uffizi federal da polizia.
Legenda:
Uschia vesa la nova carta d'identitad ora.
Fedpol
Dapi quatter mais datti gia in pass che correspunda visualmain a la nova carta d'identitad ed als novs standards da segirezza. Ils motivs d'aua e culms chatt'ins sin omadus documents d'identitad. La carta d'identitad ha plinavant in muster ch'ins vesa mo cun glisch ultravioletta.
Las cartas d'identitad edidas fin uss restan valaivlas fin a lur data da scadenza nudada. Ed er ils custs per ina nova carta d'identitad restan tuttina.
audio
Per tadlar: las novitads da las 12:00
ord RTR Audio dals 06.02.2023.
laschar ir. Durada: 5 minutas 14 Secundas.
