Novartis ha investì radund 70 milliuns francs en ina nova fabrica a Schweizerhalle a Basilea-Champagna. En quella fabrica vul Novartis producir medicaments sin basa da RNA. I saja in dals pli moderns lieus da producziun per tals medicaments sin l'entir mund.
Medicaments e vaccins sin basa da RNA èn cunzunt enconuschents dapi la pandemia. La gronda part dals vaccins cunter corona èn stads vaccins da quai tip. En l'indriz da Novartis a Schweizerhalle vegni a dar duas lingias da products da RNA. Ina è per in nov med cunter in aut spievel da cholesterin.
A l'avertura ha il cusseglier federal e minister d'economia Guy Parmelin prendì part.
