Ina raschun che persunas povras restan er povras, saja ch'ellas na vegnian betg acceptadas. Ellas sa turpegian perquai, e na tschertgan betg agid. Quai mussa in studi ch'è vegnì sustegnì da la Confederaziun.
Spirala da povradad
Uschia vegnian persunas povras en ina spirala e restan en povradad. La povradad sa ferma uschia sur generaziuns, e na lascha betg pli libras las persunas e famiglias.
La societad sco entira na chapescha betg la povradad, chatta il studi. Per exempel pensian bleras persunas, che persunas povras sajan sezzas la culpa. Ed ins pensia savens, che povradad muntia simplamain ch'ins na possia betg pajar ils quints. En vardad sajan persunas povras er excludas da la vita sociala en Svizra.
L'organisaziun ATD Vierte Welt, che ha fatg il studi, preschenta oz ulteriurs resultats ad in simposi a Berna.
