Tgi che paja sia taglia federala anticipadamain survegn ussa puspè tschains persuenter. Il Departament federal da finanzas ha decidì da dar 1,25% tschains sin quai, avant na deva quai nagut.
Ils tschains da retard ed ils tschains da restituziun vegnan auzads – quest da 4 sin danov 4,75%.
La Confederaziun quinta uschia cun pli entradas da radund 30 milliuns francs sut il stritg. Era ils chantuns vegnian a profitar da quai, scriva il departament. Quai tras la cumpart da la taglia federala directa che va mintgamai als chantuns.
