Siglir tar il cuntegn

Header

cuntegn

Swiss Pass vul spargnar Pli pauc automats da bigliets fin 2035

Porscher in'infrastructura da vender bigliets saja fitg char, di il president da l'Alliance Swiss Pass René Schmied envers CH Media. Perquai veglian ins reducir il dumber d'automats. Pussaivel ch'i dettia fin il 2035 mo pli automats tar puncts da traffic centrals. La gronda part da bigliets duain vegnir vendids sur l'internet.

Controlla da bigliets
Legenda: Per spargnar daners vul l'Alliance Swiss Pass reducir bigliets betg digitals Keystone

I saja dentant er cler ch'i stoppia esser pussaivel da cumprar vinavant bigliets da moda betg digitala, di René Schmied. Vinavant ha l'Alliance Swiss Pass l'ambiziun da far viagiar cun il traffic public uschè simpel sco ir cun l'auto. L'allianza vul infurmar davart quai en l'emprima mesadad da l'onn 2023.

L'Alliance Swiss Pass l'organisaziun da branscha dal traffic public cumpiglia tenor atgnas indicaziuns radund 250 interpresas da transport e 18 uniuns da traffic.

audio
Per tadlar: las novitads da las 15:00
ord RTR Audio dals 02.12.2022.
laschar ir. Durada: 2 minutas 33 Secundas.

RTR novitads 15:00

Artitgels legids il pli savens

Scrollar a sanestra Scrollar a dretga