Avant in onn aveva Swiss Re anc nudà ina perdita da passa 220 milliuns. Dentant sto la reassicuranza anc impunder blers daners per donns entras la crisa da corona e catastrofas da natira.
Ils emprims trais mais da l'onn ha il concern pajà per tals intents radund ina milliarda dollars, quai ch'haja sminuì il gudogn. Grazia a bunas prestaziuns sur l'entir champ da fatschenta ora saja dentant tuttina sa resultà in gudogn.
Surpassà las aspectativas
La Swiss Re ha surpassà cleramain las aspectativas dals analists. Quels avevan quintà cun in gudogn. Las premias nettas èn creschidas per 6,5% sin 102 milliardas dollars.
Il resultat da quartal mussia er tge potenzial ch'i dettia er vinavant per la reassicuranza, uschia il schef da finanzas John Dacey.