Il cumbat da votaziun davart la taglia minimala da l'OECD è lantschà. La PS, ils sindicats e l'Alliance Sud vulan terrar la nova fatschenta da taglia. Tenor els vegnian las entradas supplementaras ch'èn da spetgar cun la refurma repartidas malgist. Quai dettia vinavant fieu a la concurrenza da taglia.
Tar in Na pudessia il parlament decider immediat ina meglra proposta da la quala l'entira populaziun profitass e betg mo in pèr singuls ed in pèr chantuns.
... u tuttina ina schanza
Be ina sperta realisaziun da la refurma eviteschia ch'ins regalia a l'exteriur entradas da taglia da milliardas, argumentescha l'allianza da represchentantas e represchentants da la PPS, l'Allianza dal center, la PLD ed ils Verd-liberals. Davos la fatschenta stattan er il Cussegl federal, las uniuns d'economia, ils chantuns sco er las citads e las vischnancas. Quella stgaffeschia cundiziuns stabilas e segirescha plazzas da lavur ed entradas da taglia a la Svizra, uschia il tenor.
Las Svizras ed ils Svizzers decidan ils 18 da zercladur a l'urna.
