Siglir tar il cuntegn

Header

Velo
Legenda: Il 2020 èn e-bikes stads responsabels per 65% da la svieuta. Keystone
cuntegn

Tants sco anc mai Il boom da velos cuntinuescha

Anc ma ha la branscha da velos svizra vendì tants velos sco durant l'onn da corona 2020. Tenor il studi da l'ETH Mobis Covid è il diever creschì per part a partir dal mars 2020 per passa 200%.

Il nov studi da la branscha da velos annunzia var 2,4 milliardas francs svieuta. Duas terzas da questa svieuta han ils vendiders e las vendidras da velos fatg cun velos electrics.

En tut an las fatschentas svizras vendì radund 640'000 novs velos e velos electrics il 2020. E quai malgrà che l'import da velos novs saja per part stà difficil l'onn passà.

Dumonda creschida – lockdown fa grev la fatschenta

Perquai ch'i ha gia il 2018 dà in boom da velos avevan ils importaders e vendiders da velo emplenì lur magasins en il decurs da la stagiun 2019. En consequenza han els pudì furnir gia a partir da l'entschatta da la pandemia avunda velos ed e-bikes.

Quai è dentant er stà necessari. Pervia dal lockdown hai dapertut dà problems cun la furniziun. La furniziun en Svizra è sa reducida per 0,9% sin 552'500 tocs. Sulettamain tranter il favrer ed il matg èn 70'000 velos pli pauc vegnids furnids per il commerzi.

video
Boom da velos: Il mument èn velos e tocca da reparatura stgars
Or da Telesguard dals 21.05.2021.
laschar ir

RTR Novitads 16:00

Artitgels legids il pli savens

Scrollar a sanestra Scrollar a dretga