Siglir tar il cuntegn

Header

cuntegn

«Tardoc» empè da «Tarmed» Nova tariffa da medis meglierass situaziun en ospitals d'uffants

La tariffa dals medis «Tarmed» è la raschun ch’ils ospitals d’uffants èn al limit e sutfinanziads. Quai ha ditg Lukas Engelberger, il president da la Conferenza svizra da las directuras e dals directurs chantunals da sanadad en in’intervista cun il «SonntagsBlick». Damai che «Tarmed» saja antiquà, pretenda Engelberger d’introducir il nov sistem da tariffa «Tardoc» parzialmain. Quel resguardia numadamain meglier il fatg ch’il tractament d’uffants saja bler pli pretensius che quel da creschids. «Tardoc» pudess meglierar marcantamain la situaziun en ils ospitals d’uffants. Dentant sa retardeschia l’introducziun dal nov sistem, perquai ch’ils partenaris da la convenziun collectiva n’hajan anc betg chattà ina schliaziun communabla en chaussa, uschia Engelberger vinavant.

Cussegl federal anc betg cuntent

La stad ha il Cussegl federal crititgà la nova tariffa da medis. Cunzunt n’adempleschia «Tardoc» betg las pretensiuns legalas. Perquai ha el pretendì ulteriuras midadas. Dapi onns contraheschan assicuraders, ospitals e medis davart in nov sistem da tariffas – fin ussa senza success. Oriundamain eri previs d'introducir questas tariffas quest onn – uss duai dar ina nova proposta enfin la fin dal 2023. Lukas Engelberger pretenda d'introducir «Tardoc» sut cundiziuns fin che las mancanzas sajan curregidas.

Or da l'archiv

video
Tardoc: Cussegl federal pretenda meglieraziuns
Or da Tagesschau dals 03.06.2022.
laschar ir. Durada: 4 minutas 43 Secundas.

RTR novitads 08:00

Artitgels legids il pli savens

Scrollar a sanestra Scrollar a dretga