Siglir tar il cuntegn

Header

cuntegn

Taskforce Ackermann «Ils ospitals vegnan ad esser surdumandads»

Il president da la taskforce, Martin Ackermann, ha declerà ad ina conferenza da pressa che la situaziun saja deplorablamain sa sviluppada uschia sco pensà. Las ospitalisaziuns ed ils cas sin las staziuns intensivas sa dublegian anc adina entaifer d'ina emna.

Ma ins vegnia er a sentir l'effect da las novas mesiras pir en radund duas emnas. «Las mesiras vegnan a far effect.» Ma quai muntia er ch'ils ospitals vegnan ad esser surdumandads enfin che las mesiras han effect.

video
«Capacitads en ils ospitals vegnan probabel surpassadas»
Or da News-Clip dals 30.10.2020.
laschar ir

Il proxim temp vegnia ad esser interessant d'observar il svilup en il Vallais. Il chantun ha declerà mesiras severas gia pli baud ch'il Cussegl federal, uschia possian ins vesair là gia pli baud, quant effectivas che las mesiras sajan.

Ospitals duain far plaz per cas da corona

Virginie Masserey da l'Uffizi federal da sanadad ha declerà che la cumpetenza da stritgar operaziuns betg necessarias giaschia en ils mauns dals chantuns, ma ella cusseglia tuttina als ospitals da far plaz e da stgaffir capacitads per pazientas e pazients da Covid.

Il ristg ch'ils ospitals vegnan ad esser surdumandads è real.
Autur: Virginie MassereyUffizi federal da sanadad

Vegliadetgna da ristg stritgada

La vegliadetgna concreta da 65 onns per persunas en la gruppa da ristg ha il BAG stritgà. Raschun è che persunas sur 65 onns sajan sa sentidas discriminadas. I restia dentant: Pli vegl ch'ins saja e pli grond ch'il ristg da vegnir malsaun seriusamain pervi dal coronavirus è.

Tests svelts a partir da glindesdi

Cun agid dals tests svelts, possia la capacitad da testar vegnir augmentada per in bun tant, ha declerà Virginie Masserey. Entras quels tests vegnia er l'access levgià fermamain. I possia er esser che tschertas persunas sa laschian plitost testar, sch'ellas hajan pli svelt il test. Ma, ins na possia betg spetgar ch'i vegnia fatg ussa mintga di 50'000 tests svelts. La sfida logistica saja gronda.

A partir da proxima emna na possian anc betg tut ils tests vegnir duvrads, ha er declerà Linda Nartey, media chantunala da Berna. Ma ella spera che tuttas persunas cun sintoms possian ussa sa laschar testar.

Tar la capacitad dals tests ha Nartay declerà ch'i haja bain dà persunas che hajan stuì spetgar en tschertas regiuns per pudair far in test da corona. Ma i na dettia betg en general memia paucs tests.

RTR novitads 15:00

Artitgels legids il pli savens

Scrollar a sanestra Scrollar a dretga