Manaschis ch'èn ina cuminanza da lavur na duajan betg stuair pajar pliras giadas las taxas da radio e televisiun. Il Cussegl naziunal ha approvà ina moziun da sia cumissiun economica. Quella ha communitgà che cuminanzas da lavur – vul dir firmas che lavuran ensemen vid ina incarica en il sectur da construcziun – pajan ina taxa da recepziun ch'è dependenta da la svieuta. Quai malgrà che mintga firma ha gia pajà la taxa per sa sezza.
Questa moziun va ussa en il Cussegl dals chantuns.