Sur onns han consuments stuì pajar falladamain taglias sin la plivalur per las taxas da radio e televisiun. La fin da schaner restituescha Serafe, la firma che incassescha las taxas, a las emprimas chasadas 50 francs. La lescha che pussibilitescha la restituziun saja ida en vigur oz, scriva la fundaziun per la protecziun da consuments.
Fin la fin da l'onn duain tut las chasadas avair survegnì enavos ils 50 francs. La summa vegn tratga giu automaticamain dal quint. Consumentas e consuments na ston far nagut.
