Tests sperts per far a chasa datti a partir dals 7 d'avrigl. Quai ha il Cusseglier federal Alain Berset ditg envers la «Samstagsrundschau» dad SRF. Ils tests datti lura da cumprar en las apotecas.
La strategia da la Confederaziun prevesa, che mintga persuna po retrair tschintg tests sperts al mais. Sch'il test è positiv sto quel vegnir confermà cun in test da PCR en il labor.
Il Cusseglier federal n'ha betg numnà in dumber concret da tests che stattan a disposiziun. A l'entschatta saja tut tenor dumandà pazienza. Il dumber da tests vegnia a crescher cuntinuadamain.
