Oz han gì lieu en l'entira Svizra ils tests annuals da las sirenas «alarm general» ed «alarm d'aua». Tenor l'Uffizi federal da la protecziun da la populaziun èn radund 7'200 sirenas vegnidas controlladas. Radund 99% da quellas han funcziunà senza problems. Era las annunzias d'infurmaziun sin ils chanals d'Alertswiss hajan funcziunà sco giavischà, sco che l'Uffizi federal da la protecziun da la populaziun ha communitgà.
En il Grischun ha be ina da 338 betg funcziunà sco che in'emprima evaluaziun da l'Uffizi da militar e da protecziun civila mussa. Sirenas che na funcziunan betg ston vegnir remplazzadas entaifer 2 mais.
Ils tests da sirenas han lieu mintg'onn l'emprima mesemna dal favrer. En connex cun ils tests d'alarm na sto la populaziun far nagut. Tar in alarm ordaifer ils temps da test annunziads èsi inditgà da tadlar radio, suandar las instrucziuns da las autoritads ed infurmar ils vischins.
