Siglir tar il cuntegn

Header

cuntegn

Thomas Müller La Banca Raiffeisen ha in nov president

Thomas Müller è vegnì elegì da la radunanza generala da la Raiffeisen Svizra. En ina votaziun electronica ha Müller survegnì 76% da las vuschs da represchentantas e represchentants da las singulas bancas. El surpiglia cunquai il presidi da Guy Lachappelle ch'è sa retratg andetgamain. El surpiglia ses uffizi per immediat. Ultra da quai è Sandra Lathion vegnida elegida cun ina maioritdad da 94% sco commembra en il cussegl d'administraziun.

Nominaziun en critica

Thomas Müller era vegnì en la critica pervia da sias activitads dal passà sco schef da finanzas da la banca Sarasin. Lura veva Sarasin vendì products da «Cum-Ex» a clients. Latiers veva la Raiffeisen ditg che quai saja vegnì examinà e ch'i na dettia nagins resalvas envers l'um da 56 onns. Thomas Müller saja in expert da finanzas cun gronda experientscha en il banking ed adempleschia uschia era il profil d'exigenzas.

Ord l'archiv da SRF

video
Banca Raiffeisen: Nominaziun en critica
Or da Tagesschau dals 03.12.2021.
laschar ir. Durada: 2 minutas 16 Secundas.

RTR novitads 08:00

Artitgels legids il pli savens

Scrollar a sanestra Scrollar a dretga