Il Cussegl federal ha undrà tut las sportistas e sportists ch’han gudagnà ina medaglia u in diplom als gieus olimpics a Tokio. La ministra da sport Viola Amherd ed il president da la Confederaziun, Guy Parmelin han gratulà a tuts per lur prestaziuns.
Las sportistas ed ils sportists hajan represchentà la Svizra a moda exemplarica, ha ditg Viola Amherd. La Svizra ha gudagnà 13 medaglias als gieus olimpics. Als paralimpics schizunt 14 medaglias. Pervi da corona n’è l’onuraziun betg stada sco usità en la Chasa federala, mabain en il center da prestaziun da Magglingen.
