Ils custs per tractaments staziunars en ospitals n'èn il segund onn en roda betg creschids. L'augment dals custs en il sectur ambulant percunter, ha muntà il 2019 a 4,6%, in onn avant eran quai anc 3%.
Tenor l'Uffizi federal da statistica han ils 281 ospitals svizzers fatg custs en la sparta staziunara da 19,1 milliardas francs, ella sparta ambulanta 8,4 milliardas. En media ha in cas staziunar custà l'onn passà 13'200 francs, ina consultaziun ambulanta 420 francs. Gia 27% dals custs dad ospitals derivan ord la sparta ambulanta. Cumpareglià cun l'onn passà è quella creschida per 7%.
Motiv principal per tractaments èn accidents
Blessuras pervia d'accidents èn il motiv principal per in'ospitalisaziun (190'000 cas). Segund motiv èn malsognas dal muscul skelet sco per exempel artrosa u problems da la giugadira (177'000 cas). Quai chaschuna dapli che 27'600 operaziuns. Terz motiv èn malsognas dal sistem da circulaziun (159'00 cas).
ezembedezembedezembedezembed