Il conflict tranter pilotas e pilots da la Swiss e la societad aviatica Swiss è terminà. Il sindicat Aeropers ha approvà il nov contract da lavur collectiv cun gronda maioritad. Il contract entra en vigur retro-activ cun l'emprim da schaner. El prevesa tranter auter in augment da paja da 2,3%, ina cumpensaziun da chareschia da 2% ubain ch'il plan da lavur vegn publitgà pli baud.
Tenor Aeropers portia quel avantatgs per omaduas varts. La via a quel contract saja dentant stada difficila e plain sfidas. Las lungas dispitas avevan bunamain chaschunà ina chauma da pilotas e pilots da la Swiss. Pir l'october passà hajan ins sa cunvegnì. Dapi lura hajan ins lavurà vid ils detagls dal contract da lavur collectiv.
