La societad aviatica Swiss è sa revegnida dal sgol precipità durant la pandemia da corona e sgola puspè en la zona da gudogn. Quai cun in gudogn operativ da 450 milliuns francs l'onn 2022.
Grondas midadas ils davos onns
La dumonda da sgular saja puspè s’augmentada ferm il 2022. La Swiss saja, tenor atgnas indicaziuns, dentant stada preparada mal per quai. Ella haja stuì stritgar u spustar radund 1'000 sgols l'onn passà.
Era sche la svieuta dal 2022 è il dubel da quella da 2021: La Swiss n’haja anc betg cuntanschì il nivel d’avant la pandemia. 2019, avant la pandemia, ha la Swiss anc fatg in gudogn da 578 milliuns.
audio
Per tadlar: las novitads da las 10:00
ord RTR Audio dals 03.03.2023.
laschar ir. Durada: 3 minutas 25 Secundas.
