Cun il Swisspass èsi da nov er pussaivel da cumprar bigliets en il traffic public senza daners bluts. La funcziun è analoga a quella d'ina carta da debit u da credit.
Sco l'allianza dal Swisspass communitgescha va quai il mument però be cun cartas ch'èn vegnidas tschentadas ora dapi il december 2021. Tgi che sa registrescha per la nova funcziun survegn però ina nova carta.
Sin il Swisspass po vegnir chargià il GA, l'abunament da mesa taxa u er auters abunaments. La carta po però er vegnir duvrada en territoris da skis e per autos da Mobility.
Legenda:
In auto da Mobility vegn avert cun il Swisspass.
Keystone
audio
Per tadlar: las novitads da las 17:00
ord RTR Audio dals 18.01.2023.
laschar ir. Durada: 5 minutas 3 Secundas.
