Persunas interessadas pon examinar l'urari dal 2025 sut öv-info.ch. Là pon ellas er sa participar a la consultaziun ed inoltrar lur posiziuns fin ils 9 da zercladur.
Duas midadas en il sboz da l'urari 2025 èn In nov concept da bus en l'Engiadin'Ota ed in tact da mes'ura tranter Cuira e Glion. Il nov concept da bus en l'Engiadin'Ota prevesa in meglier access cunzunt per las vischnancas sper ils lais sco er per Puntraschigna.
En Surselva duai il tact da mes'ura da la Viafier retica tranter Cuira e Glion vegnir realisà il pli tard il december 25, il medem mument vul'ins er augmentar las colliaziuns d'autos da posta en Surselva.
