Dapli passagiers èn viagiads cun la viafier sin l'axa nord-sid grazia al tunnel da basa dal Gottard e dal Ceneri. Ils centers urbans en il Tessin èn vegnids rinforzads. Quai mussa in rapport da l'Uffizi federal per il svilup dal territori. L'uffizi ha publitgà mardi ses nov rapport davart las consequenzas da l'engrondiment da la viafier al Gottard. Il monitoring cumpiglia ils onns 2016 fin 2022.
Il 2022 sajan uschia 48% dapli persunas viagiadas cun il tren cumpareglià cun il 2016. Quai èn 4’000 persunas supplementaras per di. Per cumparegliar: tar las persunas ch'èn stadas sin via cun l'auto sin l'axa nord-sid han ins registrà in plus da 2’000 persunas per di il 2022 cumpareglià cun il 2016.
