Bain ha il traffic public puspè cumenzà oz cun l'urari normal, ma grondas fullas n'hai betg dà. A Berna èn ils emprims trens dad Intercity vers e da Turitg e Losanna stads occupads mo moderà. Las reglas da distanza hajan uschia pudì vegnir resguardadas senza problems. Ina da las raschuns è che blers Svizzers lavuran anc adina da chasa anora. Latiers reprendian bleras scolas medias e professiunalas lur manaschi pir ils 8 da zercladur.
Evitar da viagiar durant temp da fulla
Mascras da protecziun hajan mo singuls passagiers purtà, scriva l'agentura da novitads Keystone/SDA. Sch'ins na po betg tegnair en las distanzas, vegn cusseglià da purtar mascras da protecziun. Ins duai era evitar da far viadis betg necessaris. Pendularis èn supplitgads, sche pussaivel, dad evitar da viagiar durant temp da fulla.
