En il rapport da Transparency International survegn la Svizra schlettas notas. Per sentenziar ina interpresa pervi da corrupziun u lavada da daners, saja la procura publica avisada sin l'agid da l'interpresa encunter la quala ch'ella intercurescha.
Tenor l'organisaziun nunguvernamentala Transparency International ston en blers cas las procuras da l'exteriur far la lavur. Uschiglio mitschian interpresas Svizras savens dad ina sentenzia.
Per che interpresas pon collavurar cun la procura publica manchian infurmaziuns. Uschia na sappian las interpresas betg tge che spetgia ellas sch'ellas collavuran cun la procura publica.
Transparency International pretenda che las procuras persequiteschan interpresas che han da far cun corrupziun consequentamain. La mancanza constatada haja tenor il rapport da far per gronda part cun la negligientscha da las procuras publicas.