Il rapport annual cun num «Corruption Perceptions Index» ha la Svizra cuntanschì 82 da 100 puncts pussaivels. Suenter ch'ella ha survegnì l'onn passà 84 puncts. Cun plazza 7 tutga la Svizra bain anc adina tar ils 10 pajais plazzads il meglier, scriva Transparency. Ella sa distanzieschia dentant vinavant da las meglras valurs. Dasper l'agir cunter la corrupziun stuess la Svizra er midar ses cumportament en conflicts d'interess e regular meglier il lobing.
Il «Corruption Perceptions Index» vegn evaluà sin basa d'experts da la scienza e da l'economia che mesiran co la corrupziun en il sectur public vegn percepida en 180 pajais. A la testa dals pajais èn il Danemarc, la Finlanda e la Nova Zelanda. Il pli davos èn la Somalia, il Sudan e la Siria.
