Siglir tar il cuntegn

Header

cuntegn

Travail Suisse Augment da paja na po betg cumpensar chareschia

L'uniun tetgala dals sindicats Travail Suisse tira in fazit maschadà suenter las tractativas da paja per l'auter onn. En media na cumpenseschian ils augments da paja betg ils augments dals pretschs da quest onn. Malgrà ils pli auts augments da paja dals ultims 20 onns, saja reussì mo per part da mantegnair la capacitad da cumpra da las lavurantas e dals lavurants, ha Travail Suisse communitgà. Tut en tut saja bain vegnì negozià in augment da paja general tar 97% da lastractativas, cun 2,5% sajan quests augments dentant pli bass che la rata d'inflaziun da 3%.

Ils augments da paja sajan uschia sin in nivel sco l'ultima giada il 2001. Malgrà che la situaziun economica saja vinanvant buna sajan memia blers patruns da lavur sa mussads sco ranvers e na sajan betg stads pronts da cumpensar l'entira chareschia, uschia Travail Suisse. Betg cuntentaivels sajan ils resultats surtut tar il commerzi en detagl, tar la construcziun da lain u er tar ils picturs e stuccaturs, sco er en il sectur da sanadad.

audio
Per tadlar: curt e cumpact
ord RTR Audio dals 19.12.2022.
laschar ir. Durada: 1 minuta 13 Secundas.

RTR novitads 12:00

Artitgels legids il pli savens

Scrollar a sanestra Scrollar a dretga