Malgrà la pandemia, crescha l'economia svizra vinavant. Uschia s'augmenta dentant era la chareschia. Perquai pretenda la federaziun tetgala dals sindicats Travail Suisse per dapli paja per lavureras e lavurers.
Augments generals
Tenor Travail Suisse dovria augments da paja generals, empè d'augments individuals. Ultra da quai na sajan pajas minimalas da sut 3'500 francs betg acceptabels.
Explotaziun per gudogns extraordinaris
Singulas branschas ed interpresas nizzegian la malsegirezza actuala per far gudogns extraordinaris. Cun quai ch'i vegn per part lavurà cun in engaschi sur la media durant la pandemia, saja quai ina schleppa envers lavureras e lavurers che na vegnian betg remunerads en furma finanziala.
Pajas per l'onn 2022
Era sche las pajas da l'onn proxim creschan, na saja quai anc betg avunda. Uschia il facit da Travail Suisse suenter analisar las tractativas da paja.
