Lavur duai vegnir renconuschida meglier. Persunas che lavuran duain giudair ina meglra protecziun ed ils patruns da lavur duain prender mesiras cunter discriminaziun da paja. Quai èn ils puncts centrals che l'uniun tetgala per lavurants Travail Suisse ha fixà per ils proxims quatter onns.
Concret pretenda travailsuisse da rinforzar la forza da cumpra, reducir ils temps da lavur e che la cumpatibilitad da famiglia e mastergn vegnia meglierada. Latiers è travailesuisse sa posiziunà cunter in auzament da la vegliadetgna da pensiun e mesiras da spargn.
