Siglir tar il cuntegn

Header

cuntegn

Travail Suisse Mesiras cunter stress e stancladad da persunas emploiadas

Adina dapli persunas èn pertutgadas da stress e da stancladad a la plazza da lavur. Quai mussa in studi ch’il sindicat Travail Suisse ha publitgà gievgia.

La raschun sajan dis da lavur pli lungs, relaziuns da lavur pli flexiblas ed in tempo pli aut da las lavurs. Adina pli fitg svaneschia il cunfin tranter temp da lavur e temp liber. I daventia adina pli grev da cumbinar a moda raschunaivla la lavur e la famiglia.

Bunamain 40% da las emploiadas e dals emploiads inditgeschan en la retschertga ch’els sa sentian spussads. En consequenza daventian adina dapli persunas malsaunas, saja quai corporalmain u er psichicamain. Travail Suisse pretenda perquai mesiras da vart da la politica da proteger meglier las lavureras ed ils lavurers. Dapli vacanzas, damain flexibilitad tar il temp da lavur e ch’in collavuratur haja il dretg da betg vegnir disturbà en ses temp liber.

audio
Per tadlar: curt e cumpact
ord RTR Audio dals 11.05.2023.
laschar ir. Durada: 1 minuta 6 Secundas.

RTR novitads 12:00

Artitgels legids il pli savens