Da finanziar projects cun agid dal crowdfunding daventa adina pli popular en Svizra. L'onn passà hai dà sin questa via 792 milliuns francs per projects. Quai scriva l'Institut da servetschs finanzials Zug che tutga tar la Scol'auta Lucerna. Quai è 31% dapli che l'onn 2020.
Ils pli blers daners (607 milliuns francs) vegnan rimnads per credits ad interpresas pitschnas e mesaunas e per persunas privatas – l'uschènumnà crowdlending, quai cun in plus da 35%. La raschun èn surtut ch'immobiglias èn fitg tschertgadas il mument. Adina dapli daners culan dentant er en investiziuns directas en immobiglias u start-ups - l'uschènumnà crowdinvesting: Qua mussa il monitor in plus da 30%.
I dat dentant era in minus: La prontadad da sustegnair ideas caritativas ubain culturalas è sa sbassada l'onn 2021 per 16%.
