Siglir tar il cuntegn

Header

cuntegn

Tribunal administrativ federal Cumplettaziun da rait da fibra da vaider da Swisscom franada

La Swisscom na dastga per il mument betg metter ina nova sort da cabels da fibras da vaider. Suenter la cumissiun da concurrenza Weko ha uss er la dretgira administrativa federala decidì uschia.

Oriundamain era la Swisscom sa cunvegnida cun ses concurrents, da proveder chasas ed abitaziuns cun ina sort da fibras da vaider ch'er la concurrenza avess pudì duvrar. Damai che la Swisscom ha vulì rumper questa cunvegna, è la Weko intervegnida. Quella tema che la Swisscom veglia empruvar da sclauder uschia ses contrahents da la concurrenza.

La dretgira ha uss confermà: Uscheditg ch'i n'è betg decidì schebain la Swisscom fa maldiever da sia posiziun da pussanza, na dastga ella betg metter ils cabels da fibra da vaider. La Swisscom manegia ch'i smanatschia uschia in retard dal svilup da la rait da fibras da vaider che saja da dischavantatg per l'economia e la societad.

audio
Per tadlar curt e cumpact
ord RTR Audio dals 06.10.2021.
laschar ir. Durada: 1 minuta.

RTR novitads 06:00

Artitgels legids il pli savens