La raschun è ch'in um n'ha betg pli survegnì la renta da vaivs suenter che ses uffant il pli giuven è daventà maioren. Ad ina dunna fiss la renta vegnida pajada vinavant. La curt penala europeica pretenda uss da las dretgiras svizras d'interpretar las ordinaziuns auter en l'avegnir.
Il Tribunal federal aveva refusà il 2012 il plant dal pertutgà cun l’argumentaziun che la lescha d’AVS fetschia specificamain ina differenza tranter las schlattainas. Il tribunal aveva lura però er fatg allusiun a la 11avla revisiun da l’AVS ch’aveva fatg naufragi. Il Cussegl federal aveva lura scrit che la lescha sin il dretg d’ina renta da vaivs cuntrafetschia al principi da l’egualitad tranter um e dunna.