Il survetsch da controlla aviatic Skyguide defendia dentant ses controllader aviatic, scriva SRF sin sia pagina en la rait.
Skyguide defenda ses collavuratur
La sentenzia na fetschia pli segir il traffic aviatic, crititgescha Skyguide. Collavuraturs stoppian pudair far sbagls senza temair consequenzas disziplinaricas.
Tar il cas sa tracti dad ina avischinaziun betg vulida tranter dus eroplans – in da la societad d'aviatica irlandaisa Ryan Air e l'auter da la societad portugaisa TAP. Igl era capità sur il Napfgebiet, avant sis onns ed accident n’avevi dà nagin. Suenter haja annunzià il controllader aviatic il cas internamain ed i saja vegnì investigà.
«Disturbi dal traffic public tras negligenza»
Questa renfatscha envers il controllader aviatic ha il Tribunal federal confermà. El haja stgaffì in privel concret cun violar sias obligaziuns da diligenza, scriva il tribunal en sia sentenzia. U cun auter pleds: El n'è betg stà precaut avunda.
L'argument dal sentenzià ch'igl n'haja mai dà in privel concret, cun quai che las duas vias da sgol n'eran mai sa cruschadas, n'ha il tribunal federal betg laschà valair.
Il controllader aviatic è perquai vegnì sentenzià ad in chasti da raps da 60 taxas da di a 300 francs.
RR novitads 17:00
